मोटोपनाले ग्रस्त आलुपे्रमीहरूका लागि खुसीको खबर । आलु खानाले रक्तचाप नियन्त्रण रहन्छ र यसले तौलसमेत नबढ्ने कुरो पछिल्लो अनुसन्धानले बाहिर ल्याएको छ । सामान्यतः आलु खानाले तौल बढ्ने आमधारणा छ ।
यसबारे अध्ययन दलको नेतृत्व गरिरहेका अमेरिकाको स्क्यारन्टन विश्वविद्यालयका जो. विसनका भन्छन्, 'आलुको नाम लिनासाथ हामी मोटोपना, बढी कार्बोहाइड्रेट र शून्य क्यालोरीबारे सोच्छौं । तर हाम्रो अनुसन्धानले आलुको पोषणसम्बद्ध छवि स्थापित गर्न सघाउनेछ ।' रक्तचापमा कमी हँुदा हृदयाघातको खतरा कम हुन्छ ।
यो अनुसन्धानमा सामेल महिला र पुरुषको समूहलाई गल्फको बल आकारको आलु ६ देखि आठ वटासम्म दिउँसो र रातिको खानामा सामान्य आहारको रूपमा लिन भनिएको थियो । सहभागीमध्ये धेरैजसो मोटोपना र उच्च रक्तचापको समस्याले ग्रस्त थिए ।
एक महिनापछि उनीहरूको रक्तचापमा कमी देखियो । कसैको तौलमा पनि वृद्घ िभएन । यसअघिको अनुसन्धानमा के पाइएको थियो भने रक्तचाप कम गर्ने औषधिको रसायन तत्त्वजस्तै आलुमा समेत पाइन्छ । आलुमा औषधिमा जस्तै केही वानस्पतिक रसायन पाइन्छ ।
प्रकाशित मिति: २०६८ भाद्र २४ ०९:४१
No comments:
Post a Comment